السلا م عليكم
ورحمة الله وبر كا ته
اَلْحَمْدُ
ِللهِ الَّذِيْ أَنْعَمَنَا بِدِيْنِ اْلاِسْلاَمِ وَاْلاِيْمَنِ وَجَعَلَ شَهْرَ
رَمَضَانَ وَسْيْلَةً فِى نَيْلِ الْغُفْرَانِ. وَالصَّلاَةُ وَالسَّلاَمُ عَلَى
سَيِّدِنَا مُحَمَّدٍ اَفْضَلِ اْلاِنْسَان. وَ عَلَى اَلِهِ وَاَصْحَابِهِ
الْمُتَمَسِّكِيْنَ بالْقَرآن.أ مّا بعد
Para hadirin hadirat ingkang kula hurmati !
Mangga wonten ing kalodangan menika kula lan panjenengan
sedaya sami muji syukur dumateng ngarsanipun Allah SWT. Kranten Allah sampun
paring Rahmat, Ni’mat dateng kita sedaya ingkang arupi tetepipun Iman lan Islam.
Ingkang selajengipun mugiha shalawat lan salam tansah
konjuk dateng kanjeng Nabi Muhammad SAW, para ahli keluwarga lan para
sahabatipun, mboten kesupen kita sedaya ingkang dados umatipun.
Para rawuh ingkang kinurmatan!
Mangga kula lan panjenengan sedaya menika samiyo
ningkataken anggenipun taqwa dumateng Allah SWT. Tegesipun kita nindakkaken
perintahipun, saha nebihi dateng laranganipun, dene ingkang kalebet
perintahipun Allah inggih menika : Allah sampun majibaken dateng kita sedaya
inggih menika nglampahi pasa wonten ing wulan Ramadhan, Allah sampun dhawuh
wonten Al-Qur’an (QS. Al-Baqarah:183)
Ingkang artosipun :
“Hei wong-wong kang pada iman, den wajibake marang sira
kabeh nglakoni pasoa. Kaya dene den wajibake maring wong-wong sakdurunge sira
kabeh. Supaya sira pada taqwa”
Pramila saking menika, mangga rawuhipun wulan Ramadhan
menika kita sambut kanthi gembira. Kita lampahi mawi kegiatan-kegiatan, tadarus
Al-Qur’an, shodaqoh dateng fakir miskin, lan sanes-sanesipun.
Dene ingkang pokok inggih menika, wonten ing wulan Ramadhan
menika kita tindakaken pasa kanthi khusu’ khitmat, saha nebihi
larangan-larangan ingkang nyebabaken batalipun pasa. Kados dene guneman ingkang
awon, ngrasani tiyang sanes, lan lintu-lintunipun. Kranten menurut
sawetaranipun Ulama’, tembung pasa menika basa arabipun saking tembung صَوْمٌ ingkang hurufipun wonten tiga.
Inggih menika huruf Shod, huruf Wawu lan huruf Mim. Tigang huruf menika
anggadahi makna/arti piyambak-piyambak.
Dene ingkang No. 1 (huruf shod) menika sangking tembung
Shumtun (صُمْتٌ) ingkang artosipun
meneng, inggih menika tiyang pasa menika kedah meneng lisanipun saking guneman
ingkang awon, utawi meneng saking ngrasani lan sanesipun.
No. 2 (huruf Wawu) menika saking tembung Waro’un (وَرَعٌ) utawi Wiro’i. Ingkang maksudipun bilih
tiyang pasa menika kedah wira’i utawi nebihi saking perkawis ingkang haram,
utawi perkawis-perkawis ingkang dipun cela/dipun wadha minggahipun syara’.
No. 3 (huruf Mim) menika saking tembung Malakun (مَلَكٌ) ingkang artosipun ngeker, utawi nyegah,
tegesipun bilih tiang pasa menika kedah saged ngeker lan nyegah
perkawis-perkawis ingkang ndadosaken batalipun pasa.
Para hadirin hadirat rahimakumullah !
Sakderengipun kula pungkasi anggen kula matur, mangga
sepindhah malih, rawuhipun wulan Ramadhan menika kita isi kanthi amalan-amalan
ingkang sahe. Supados mangke medal saking wulan Romadhon kita angsal
nilai-nilai ngibadah ingkang sahe. Sahengga saged dipun apunten dosa-dosa kita.
Kranten kanjeng Nabi dhawuh :
مَنْ قَامَ رَمَضَانَ
إِيْمَانًا وَاحْتِسَا بًا غُفِرَ لَهُ مَا تَقَدَّمَ مِنْ ذَنْبِهِ
Ingkang artosipun :
“Sapa
wonge jumenengi wulan Ramadhan kanthi Iman lan nuprih krana Allah. Mangka den
ngapuro dosa-dosane kang wis kliwat”
Para rawuh…cekap semanten ingkang saged kula aturaken. Mugi
wonten manfa’atipun dateng kita sedaya. Menawi wonten klenta-klentunipun atur,
kula nyuwun pangapunten lair lan batos.
و بالله التو فيق و
الهداية
والسلا م عليكم
ورحمة الله وبر كا ته
